teh mighty JON CABRON show

patakbo takbo akong lumabas ng kalsada, atrasado ‘yung gising ko at kung hindi ako magmamadali malamang late na naman akong dadating sa trabaho, pinangako ko na sa sarili ko na hindi na ako male late, pinara ko agad ang unang jeep na dumaan, hindi ko na sinigurado kung may maluwag pa ba akong mauupuan o wala bang mukhang lasing na pagagu gago sa loob, pagtigil sa alabang malayo pa ‘yung istasyon ng bus bumababa na ‘ko, alam kong may tatlong tigil pang gagawin ‘tong jeep bago makarating sa istasyon kaya tinakbo ko na lang ‘yung bus. pawisan akong nakipag siksikan para lang makasama sa bus na paalis na, maluwag ‘yung kasunod na bus pero hindi ko na mahihintay magpuno ‘yun.
nakaupo naman ako sa awa ni bathala, pero bago pa tuluyang umandar ‘yung bus, may humabol na isang lalaking payatin na may bigote, at nung nakumpirma n’ya na wala ng bakanteng upuan para sa kanya, napapalatak na lang s’ya at bakas sa mukha ang panghihinayang, matulin na ang takbo ng bus at hindi na s’ya makakababa. tumayo na lang s’ya sa mismong likuran ko.
habang biyahe, nakatingin lang ako sa nakabukas na bintana patagos sa katabi ko at nagiisip ng kung anu ano, pinakiramdaman ko ang takbo ng bus para makumpirma na may mali ngang nangyayari sa may likuran ko Read the rest of this entry »

happy fathers day sa lahat ng mga single moms sa mundo, sa lahat ng mga mabubuting tatay na pinagkakasya ang kapos at  lalo na sa mga ama ng tahanan na piniling mangibang bayan at tinitiis ang lungkot, hirap at pangungulila para lang sa kanyang pamilya, isang mainit na saludo sa inyo!!!!

at isang malubhang luslos para sa mga lalaking basta na lang nang iwan ng mga anak nila.

paalala:
ang susunod na joke na matutunghayan n’yo sa entry na ito ay mula sa kagila gilalas na isip ng may akda, ang sino man na gagamit ng joke na ito sa kahit na saang lugar, okasyon, o dayalekto ay maaring mapatawan ng kaukulang parusa.
copyright 2008 angkin ang lahat ng karapan.

naranasan n’yo na ba ‘yung isang ordinaryong oras, at bigla na lang may sisinding ilaw sa sintido mo, tanda ng isang idea sa isang bagay na bigla mo na lang naisip? ipagpatawad n’yo sana ang paalala sa itaas, nagkataon lang na minsan kinakailangan nating pag ingatan ang isang bagay na hindi man ginto ay itinuturing pa rin nating isang kayamanan. katulad ng dalawang joke na ito na bigla na lang dumaan sa isip ko, isang ordinaryong araw.
nakarinig na ba kayo ng joke na pakiramdam n’yo sasabog na ang bituka n’yo sa pagtawa dahil sa sobrang tuwa na hatid sa’yo nun? at nakapag kuwento na ba kayo ng joke na sa sobrang benta, hindi mo alam kung papa’no mo maihahatid sa kausap mo ‘yung joke ng hindi lolobo ang sipon mo, puputok ang tiyan, at sasabog ang mga litid sa leeg mo sa pagpipigil ng tawa?
halos buong magdamag na kaming pakurot kurot na naguusap sa YM ni lenggai kagabi, at dala siguro ng antok at pagod, bigla na lang kaming bumitiw sa isa’t isa, at sa hindi inaasahang pagkakataon matapos n’yang bitawan ang hudyat ng pagtatapos ng usapan, tsaka naman pumasok sa isip ko ang idea ng dalawa sa pinakanakakatawang joke sa buong mundo.

matapos ang ilang intelihenteng paguusap
Jon Cabron: sumuka ako ng kape
Jon Cabron: ansarap
Jon Cabron: nasobrahan siguro ako sa tubig amfpt
Jon Cabron: pag dighay ko lumabas
Lenggai: putris
Lenggai: naiimagine ko
Lenggai: namannnn
Jon Cabron: iniisip ko, bakit may kanin? e nung tanghalian pa ko huling nagkanin
Lenggai: putris
Lenggai: di nadigest ng husto
Lenggai: kadiri ka jon!
Read the rest of this entry »

pagkagising ko ng gabi, nakita ko na sa YM status ni ms. ging to’ pagdating ko ng opisina, pumunta ako sa blog n’ya para magbasa ng entry at dun na tuluyang nagbago ang antas ng pagkalalaki ko. ang gandang manika! actually, hindi talaga s’ya manikang pambata dahil sa masyadong mahal na presyo n’ya, maganda sana ‘yung malaki na halos 12 inches pero mura na yata yung pitong libo para dun, so malamang sa hindi kung magkakaron ako ng pagkakataon na magkaro’n ako nito sa sariling sipag at tiyaga, dun lang ako sa maliit, mas mura s’yempre pero 4 inches lang.. halos kasing laki lang ng ano ko.. pero ok na din.
pero sabi nga ni ms. ging mukhang wala pa sa pinas nitong manikang ‘to kaya naipagdasal ko na lang na sana dumating ang araw na lumabas sa happy meal ‘to at garantisadong lahat ng pulubi sa pedro gil na makakasalubong ko magkakaro’n ng cheezeburger sa’kin, para lang makaipon ako nito. Read the rest of this entry »

kailangan kong umattend ng teacher - parent eklavu bukas sa school ng anak ko, kailangan daw kse ng isang representative sa magulang pero pwede naman daw guardian kung gusto mong magmukhang ulila sa magulang ang anak mo, hindi daw kse pwede si mrs. cabron dahil advance OT s’ya sa trabaho, ayaw naman ng nanay ko dahil para daw matuto ako at makilala ng bagong teacher ng anak ko. ang mangyayari bukas, 7:30am ako dadating dito sa bahay tapos magpapaikot ikot ako para hindi antukin at para bumilis ang oras at pumatak agad ng alas nuwebe, anong klaseng pagpapahirap sa isang ama ng tahanan ‘yan? at dahil mauuna ang anak ko ddun at mag isa lang akong pupunta dun tinanong ko na sa kanya ang section n’ya at ang pangalan ng teacher n’ya, kaya bukas eksaktong alas nuwebe ng umaga makikipagkita ako kay teacher LUCY FERnandez, taenang pangalan ng teacher ‘yan.

bakit masarap mag midnight shift sa kumpanyang pinapasukan ko?
1. ako lang ang tao
a. ako ang boss
b. ako ang supervisor
c. manager
d. ako ang hari
e. at madalas sa loob ng malamig na server room, ako din ang sarili kong reyna.
2. hindi ko kinakailangang magdahan dahan dahil sa takot na matalisod pag dumadaan sa ibang department para mag cr.
3. at hindi ko kailangang magpa cute minu minuto
a. wala akong pakialam sa itsura ko
b. at hindi ko iniintindi ang amoy ng hininga ko
4. hindi nakakakunsenyang magkape tuwing tatlong oras.
5. porn!
6. chat!
7. download! Read the rest of this entry »

naranasan n’yo na ba ‘yung nagsosolo kang nakasakay sa unahan ng jeep at wala pang isang minuto kang nakaupo dun umaangal na ang ilong mo sa tuwing sumisigaw ang mamang drayber ng byahe n’ya sa mga posibleng pasahero sa kalsada? at sa tuwing nagaabot s’ya ng bayad pakiramdam mo kung may sariling utak lang ang ilong mo, tatakbo ‘to magisa iiwanan ka at uunahan ka na sa bahay n’yo. at papa’no kung biglang tumigil ang drayber sa gitna ng byahe at may tinigilang isang drayber din na madumi at pawis na pawis na nagaayos ng sarili n’yang jeep sa tabi ng kalsada, at matapos sabihin nung drayber na nasiraan ‘yung problema ng sasakyan n’ya, napagpasyahan nilang sumabay na ‘yung isang drayber sa jeep na sinasakyan mo para daw kumuha ng gamit, at dun s’ya mismo naupo sa unahan, Read the rest of this entry »

To My Non-Sexual Crush,

welcome to my world

love and kisses na walang malisya,
Jon Cabron

ps
wag ka munang tatawag sa akin nasa bahay ako, seryoso.

gusto ko lang magklaro ng ilang mga bagay bagay, bigyan n’yo ko ng ilang minuto, maupo kayo d’yan sa harap ng computer n’yo at basahin at unawin ‘tong sasabihin ko. internet ang mundo ko at computer ang buhay ko, hindi ako kahapon lang nakahawak ng computer at kahapon lang natutong maginternet, kung meron akong minaster sa mundong ‘yan bukod sa mga bagay na alam kong magagamit ko sa trabaho o mga bagay na magagamit ko para protektahan ang sarili ko, alam ko pag niloloko ako at alam ko pag may itinatago sa akin ang kausap ko, kaya kung sasabihin mong “jon, mabait ka pala” kalokohan! tatlong bagay lang ang posibleng dahilan kung bakit ako mabait,

1. bago pa lang kitang nakakausap at nagpapakitang tao lang ako sa’yo dahil pinaulanan mo ‘ko ng papuri.
2. gusto kita, na napakabihirang mangyari dahil tulad ng sinabi kong dahilan kung bakit hindi ako nakikipag EB, ayoko ng tao.
3. mabait ako dahil alam kong may tinatago ka sa’kin at kailangan kitang diskartehan para makuha ko ang gusto ko.

hindi mo naman siguro iniisip na nagpakita agad ako ng galit sa gagong ‘to habang kinukuha ko yung gusto ko sa kanya,
ang punto ko lang, andito ako sa isang sulok nagba blog ng mag isa, nananahimik, ‘wag mo na ‘kong lapitan kung hindi ka rin lang magiging totoo dahil ayokong isipin na kinuha mo ang atensyon ko para lang paglaruan ako dahil nalulungkot ako para sa’yo kung ganun nga ang intensyon mo. mahihirapan ka sa’kin at makakawawa ka lang. hindi ako mabait na tao at ako ang pinaka asshole na makakasalamuha mo sa internet. wala akong pakialam sa pakiramdam ng ibang tao at matagal ko ng pinatay ang pagkapikon sa pagkatao ko para sa mga taong wala naman akong pakialam. Read the rest of this entry »

mga plano at dapat gawin para sa bakasyon

1. iclaim ang union bank account sa banko
2. iupload ang mga pictures ng nanay para sa mga amiga nya
3. mag linis ng screen ng bahay at mga electric fan
4. mag pagupit
5. mag grocery
6. kumain sa labas kasama ang pamilya
7. makipag laro ng chess kay lolo habang umiinom ng tsaa
8. mag ukit ng puso sa puno habang kasama si mrs. cabron
9. manghuli ng paru paro sa hardin kasama ang anak at mga pamangkin
10. lumanghap ng sariwang hangin sa dalampasigan kasama si lola
11. magturo ng pagpinta sa mga bata sa bahay ampunan
12. mag aral ng karate
13. ipasan si mrs. cabron habang nasa ulanan at may kagat kagat na rosas

Read the rest of this entry »