reinverse

at matapos kong ilabas ang opinyon ko na kabaduyan ang pelikula ni john lloyd at sarah, matapos naming magtalo ng bahagya para sa isang makabuluhang paksa:

Arlene: sus walang masama sa pag-ibig…
Jon Cabron: meron.. ang pagibig mismo ay isang kasamaan
Arlene: libog ang tinutukoy mo.
Jon Cabron: ang pagibig ay libog na nagkaron ng konting malasakit

at matapos n’yang klaruhin na hindi s’ya nakadama ng pagmamahal sa akin kahit minsan,

Jon Cabron
:
kung narereinverse ang mga load na sinayang ko para diligan ang pagmamahal na akala kong umuusbong dyan sa puso mo para sakin, gagawin ko
Arlene: reimburse
Jon Cabron: ahhhm.. pwede bang kalimutan na natin yun? at tutal magkaibigan naman tayo.. pwede bang kung mangongorek tayo e hinay hinay naman?

taena’ naiinis ako sa sarili ko na sa idad kong ‘to dalawangpu’t walong taon ko ng ginagamit ang salitang reinverse. naiisip ko tuloy na lahat ng nakatrabaho kong ginamitan ko ng salitang ‘yan at lahat ng mga kaibigan ko na nagtanong sa akin tungkol sa mga incentives at  sinagot ko ng puno ng kumpiyansang “reinverse” ay puro mga plastik na tao!
eto na siguro ang isa sa mga maliliit na bunga ng hindi namin pagkakasundo ng subject na math. pero naisip ko lang, hindi naman gamitin talaga ‘tong salitang ‘to at baka maaari pa ngang may mga readers akong sa pagkakabasa lang ng entry ko na ‘to naencounter ang salitang ‘yan… wala? p’wes ‘wag na lang kayong maingay.
seryoso, sino dito ang gumagamit sa pang araw araw ng salitang reimburse? wala di ba? p’wera na lang kung alipin ka ng numero’ isa kang accountant o auditor ng isang kumpanya na kumakasing kahulugan ng salitang malungkot ang buhay mo at dala dala mo hanggang sa bahay ang trabaho mo.

Shares 0

0 thoughts on “reinverse”

  1. ahente po mr. cabron, kc ung mga expenses nila eh narereinverse!

    ( ok sori po, tao din lang ako at …. nadadarang! lolz )

    ** akshuli, nag iisip din aq kung anong salitang palpak ang ginagamit ko, alam ko madami din )

  2. nyahahaha…..reinverse ..sa title pa lang nalito na ako..sa mga nakausap mo na ginamitan ng salitang ito, maaaring inisip na lng nila na baka may “B and V syndrome” ka kaya ganun ang pagkakasabi mo :nod:

  3. kaya hindi nagreact yung mga pinagsabihan mo nyan ay dahil akala rin nila tama yun… :grinnod:

    madami talagang nagkakamali diyan sa ‘reimburse’ na yan, pati na rin sa ‘celebrant’:|

    at narealize kong boring ang buhay ko dahil alam ko yang mga yan :no:

    1. natatangahan naman ako sa mga taong nalilito pa sa celebrant, sus napaka common na salita kaya nun!! celebrant, sus! first year high school pa lang ako alam ko na ‘yan!

  4. malamang sa malamang kaya sila ndi nagreact ay sa kadahilanang…
    napaisip mo sila kung sila ang nagkakamali :nod:

    kasi daw punung puno ng kumpiyansa ang pagsasalita mo nun kaya takot silang ikorek ka dahil baka sila ang mapahiya hehehehe

  5. magkatunog sila, reinverse -reimburse kaya hindi ka nakorek. pero kung pinasulat o pina-type siguro sau…baka hindi umabot sa 28 years ang pagkakamali mo. baka mga 27 years lang.

  6. Actually Jon, dahil sa paggamit mo ng salitang reinverse ay napatunayan mo na malalim ang kaalaman mo sa Math. Sa Math kasi, ang inverse ay variables na magka opposite. So pag reinverse, pinagpareho mo lang yung variables na opposite.

    Ah ewan! Ang hirap mong ipagtanggol! :|

  7. bigla akong nalungkot.. ang ibig sabihin ba nito kapag nagkita at nag-inuman tayo nile jovi at lenngai sa pasko, tutungga ka lang ng alak at hindi ka magsasalita???

  8. Kung sa akin mo babanggitin ang salitang “reinverse”, hindi ko mahahalata, kasi mahina pandinig ko dahil sounds like nmn ang reinverse at reimburse, sa letrang ‘n’ at ‘m’ lang nagkatalo!!! :nod:

  9. kaya ka nahuli eh dahil nakasulat nga. i’m sure nung sinabi mo (lalo na kung medjo mabilis), hindi halatado talaga kaya di ka kinorek ng mga kaibigan mo.

    pero grabe, 28 years mo na syang ginagamit? ibig sabihin, isang taon ka pa lang eh ginagamit mo na ang salitang ito? ako nga nagamit ko lang ito nung nagtrabaho na ako eh. baka ikaw ang nerd? hehe.

Leave a Reply

Your email address will not be published. Required fields are marked *